मङ्सिर १ जाजरकाेट । बस दुर्घटनामा ८ घाइते भएका छन् ।शनिबार रुकुम पश्चिमको आठविसकोट नगरपालिका वडा नम्बर ११ रिठामा बस दुर्घटना भएको छ । काठमाडौबाट राडीतर्फ आउदै गरेको प्रदेश ३–०१ ००५ ख ९९६६ नम्बरको बस शनिबार दिउँसो भेरी करिडोरमा दुर्घटना भएको हाे।रिठा स्थित नजिकै दुर्घटना हुँदा ९ जना घाइते भएका छन् । घाइते हुनेमा धादिङ खाग्री गाउँपालिका १ का ३१ वर्षिय चालक खड़कबहादुर तामाङ, सोही गाउँपालिका ६ बस्ने २८ वर्षिय भिमबहादुर भुलन, रुकुम पश्चिमको आठविसकोट नगरपालिका ९ का ३१ वर्षिय प्रकाश गौतम, दोलखा भिमेश्वर नगरपालिका ७ का २६ वर्षिय प्रकाश मगराठी रहेको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक ऋषि पाठकले जानकारी दिनुभयो ।यस्तै घाइते हुनेमा रुकुम पश्चिमको आठविसकोट नगरपालिका ११ का १७ वर्षीय गणेश रसाइली, जाजरकोट नलगाड नगरपालिका ८ का ४५ वर्षिया भिमकुमारी चदारा, उहाँको १० वर्षको छोरा मानबहादुर चदारा, मोरङ खेरुवा नगरपालिका ५ का २८ वर्षिय आकाश काफ्ने र जाजरकोट नलगाड नगरपालिका १२ की २५ वर्षिया सङकुमारी विक रहेको प्रहरी निरीक्षक पाठकले जानकारी दिनुभयो । घाइते सवैको अवस्था सामान्य रहेको र अहिले नगर अस्पताल राडीमा उपचार भइरहको छ । बस अनियन्त्रित भइ सडकबाट ५० मिटर तल बिजुलीको पाेलमा ठाेकिएकाे प्रहरीले जनाएको छ ।
प्रतिक्रिया दिनुहोस्