जाजरकोट । जाजरकोटमा सोमबार भएको गाडी दुर्घटनामा घाइते भएका मध्य १ जनाको मृत्यु भएको छ ।
भेरी नगरपालिका ७ स्याउली बजारबाट नेपालगञ्ज जाँदै गरेको बा ५ ख १८९२ नम्बरको फोर्स गाडी दुर्घटनामा भेरी नगरपालिका ५ का ६६ वर्षका धर्म चन्दको मृत्यु भएको हो ।
सुर्खेतबाट थप उपचारका लागि नेपालगन्ज लिने क्रममा उनको बाकेको चिसापानी नजिक उनको मृत्यु भएको जिल्ला प्रहरी कार्यालय जाजरकोटका प्रमुख डिएसपी पुरुषोत्तम प्रसाद पाण्डेले जानकारी दिए । डिएसपी पाण्डेका अनुसार मृतक चन्द दुर्घटनामा परेको गाडीका चालकको बुवा हुन ।
दुर्घटनामा २५ जना घाइते भएका थिए । घाइते मध्य ११ जनालाई हेलिकप्टर मार्फत र अन्य ४ जनालाई गाडी मार्फत गरी १५ जनालाई थप उपचारका लागि प्रदेश अस्पताल सुर्खेत पठाइएको थियो ।
घाइते मध्य केहिको सामान्य उपचार घर फर्काइएको र केहिको उपचार भैरहेको प्रहरीले जनाएको छ । मध्यपहाडी राजमार्ग अन्तरगत कुदुको जिरो प्वाइट नजिक सडकबाट करीब ५० मिटर तल खसेको थियो ।
दुर्घटनामा १० बालबालिका सहित २५ जना घाइते भएका थिए ।
प्रतिक्रिया दिनुहोस्