हुम्ला – हुम्लामा ८२ प्रतिशत बालबालिकाले दादुरा–रुबेलाबिरुद्धको खोप लगाएका छन् । सात वटा पालिका रहेको हुम्लामा गएको फागुन २५ गतेदेखि यही चैत ७ गतेसम्म दादुरा–रुबेलाबिरुद्धको खोप अभियान सञ्चालन गरिएको थियो ।
जिल्लाका एक सय छ खोप केन्द्रबाट पाँच हजार एक सय आठ बालबालिकाले खोप लगाएका स्वास्थ्य सेवा कार्यालय हुम्लाका प्रमुख प्रेम सिंहले बताउनुभयो । हुम्लामा नौ महिनामाथि र पाँच वर्षमुनिका बालबालिकाको सङ्ख्या ६ हजार दुई सय १२ रहेको छ ।
नाम्खा गाउँपालिकाको लिमी र सर्केगाडका बालबालिका छुटेका छन् । लिमीका ५४ जना बालबालिकाले दादुरा–रुबेलाबिरुद्धको खोपका साथै अन्य नियमित खोपसमेत लगाउन पाएका छैनन् ।
प्रकाशित मिति : २०८० चैत्र १२ गते सोमवार
प्रतिक्रिया दिनुहोस्