जाँदै गरेको बोलेरो रिन दहमा दुर्घटना

रुकुम । पश्चिमको मुसिकोट नगरपालिकाबाट रुकुम पूर्वको रुकुमकोट जाँदै गरेको बोलेरो गाडी दुर्घटनामा परेको छ । मध्यपहाडी लोकमार्गको मुसिकोट नगरपालिका वडा नम्बर ८ को रिन दहमा गाडी दुर्घटनामा परेको खबर प्राप्त भएको जिल्ला प्रहरी प्रमुख प्रहरी नायब उपरीक्षक नवराज पोखरेलले जानकारी दिनुभयो । उक्त ठाउँमा पहिरोका कारण मध्यपहाडी लोकमार्ग शनिवार देखि आइतबारसम्म अवरुद्ध भएको थियो ।

आइतबार अपराह्न देखि लोकमार्ग सुचारु भएको थियो । उक्त ठाउँमै बोलेरो दुर्घटनामा परेको बताइएको छ । एक जनाले गाडीबाट हाम फालेको र चालक गाडीमै च्यापिएको खबर आएको डिएसपी पोखरेलले बताउनुभयो । प्रहरी घटनास्थल तर्फ गइरहेको र थप विवरण प्राप्त हुन बाँकी रहेको उहाँको भनाई छ । घटनाको अवस्था हेर्दा मानवीय क्षति भएको जस्तो नदेखिएको उहाँको भनाई छ ।