“जाजरकोटमा सर्वाधिक पुरस्कार राशिको कविता प्रतियोगिता

लिला पौडेल असार ८। जाजरकोट्मा यहि असार १८ गते जाजरकोट खलंगामा वृहत साहित्यीक कार्यक्रम हुने भएको छ । सामाजिक विकास कार्यालयको आर्थिक सहयोग तथा बारेकोट सहित्य कला केन्द्रको आयोजनामा त्रिभुबन मा.वि खलंगाको सभाहलमा खुल्ला र विद्यालय स्तरीय कविता प्रतियोगिता हुने भएको हो
।
आज सामाजिक विकास कार्यालय जाजरकोटमा वसेको जिल्लाका सरोकारवालाहरुको उपस्थितीमा यस्तो निर्णय गरिएको हो । सम्भव त जिल्लामा यस आर्थिक वर्षको सवै भन्दा वढी पुरस्कार राशि भएको कविता प्रतियोगिता हुने आयोजकले जनाएको छ ।
कार्यक्रमलाई भव्य र सभ्य बनाउन भोलि विहान एक कार्यक्रम व्यवस्थापन समिति समेत गठन हुने छ उक्त समितिले जिल्लामा प्रचार प्रशार गर्ने ,कार्यक्रमको आवश्यक व्यवस्थापन तथा समन्वय गर्ने छ । उक्त कार्यक्रममा जिल्लाका सवै साहित्यीक मनहरुलाई कार्यक्रम मार्फत सार्वजनिक रुपममानै आमन्त्रन समेत गरिएको बारेकोट सहित्य कला केन्द्रका अध्यक्ष कालि प्रसाद थापाले बताउनु भयो ।

कार्यक्रमको आइतवार देखि प्रचार प्रसार अगाडी वढाइने छ ,पछिल्लो समय जाजरकोटमा जाजरकोट संम्पदा  प्रतिष्ठानले जिल्लामा साहित्यक गतिविधि ,कला सस्कृतीको संरक्षणमा विभिन्न क्रियाकलाप वढाएसंगै कवितामा विद्यार्थी देखि युवाहरु आर्कषण देखिन थालेको पत्रकार बालकुमार शर्माले बताउनु भयो ।
यस्तै योगेश्वर स्मृती प्रतिष्ठान , लेखनाथ साहित्य प्रतिष्ठान , अन्र्तरपार्टी महिला संजाल ,महिला अधिकार मञ्च र स्थानीय तहहरुका बाल क्लव संजालले गर्दा यो क्षेत्रमा रुची वढेको पाइएको जिल्ला समन्वय समितिका प्रमुख कालि बहादुर खत्रीले वताउनु भयो ।
असार १८ गते हुने कविता प्रतियोगितामा भाग लिन विद्यालय स्तर र खुल्ला गरि दुई भागमा कविताको मुल्याकण हुने छ जस अन्तर्रगत एक विद्यालयबाट १ जना छात्रा र १ जना छात्रले विद्यालय बाट प्रतिनिधित्व गर्न पाउने छन् भने खुल्ला स्तरमा जो सुकैले भाग लिन पाउने छन् दुवैको एकै साथ प्रतियोगिता हुने छ तर सहभागी कुन कलस्टरबाट सहभागीता भएको सो भने वाचन गर्नु अधि उदघोषकले स्पष्ट बनाउने छन् ।

मुल्याकण कर्ताले सोहि अनुशार उपलव्ध भएको मुल्याकण सिटमा मुल्याकण गर्ने छन् । प्रतियोगितालाई निश्पक्ष मूल्याकंण गर्नलाई कार्यक्रम सम्पन्न भएको केहि समयमानै मुल्याकणको नतिजा अंक भार समेत सुनाइने छ ।
कार्यक्रममा सहभागीता जनाउन आयोजकले सवै साहित्यीक रुची भएकालाई कविता मौलिक रुपमा आफैले लेखेर ल्याउन र मोवाइल नं. ९८६५११८०३८ मा कविताको शिर्षक र सहभागीको नाम ठेगाना १७ गते वेलुका ५ वजे सम्म एस एम एस मार्फत दर्ता गर्न अनुरोध गरेको छ ।

यसरी दर्ता भएका कविताहरु जिल्लाको इतिहासमा दर्ज गर्न सवै स्मारिका प्रकाशनमा समावेश समेत गरिने भएको आयोजकले जनाएको छ ।