जाजरकोट । जाजरकोटस्थित कारागारमा थुनामा रहेका एक युवकले आत्महत्या गरेका छन्। भेरी नगरपालिका–१० का २५ वर्षीय दीपक बुढाले आइतबार कारागारको शौचालयमा झुन्डिएर आत्महत्या गरेका हुन्।
जिल्ला प्रहरी कार्यालय जाजरकोटका प्रहरी नायब उपरीक्षक डीएसपी वसन्त प्रशाद शर्माका अनुसार बुढा जबर्जस्ती करणी मुद्दामा पुर्पक्षका लागि थुनामा रहेका थिए। मुद्दाको अन्तिम फैसलाअघि नै उनले आत्महत्या गरेपछि घटनाले थप चासो उत्पन्न गरेको छ।
प्रहरीका अनुसार घटनाबारे विस्तृत अनुसन्धान भइरहेको छ। कारागारको भित्रि अवस्था, सुरक्षा प्रणाली र बुढाको मानसिक अवस्थाबारे अध्ययन भइरहेको छ। यस घटनाले कारागारको व्यवस्थापन र थुनुवाको मनोवैज्ञानिक पक्षप्रति पनि गम्भीर ध्यान दिनुपर्ने आवश्यकता देखिएको छ।
प्रकाशित मिति : २०८२ वैशाख २८ गते आइतबार
प्रतिक्रिया दिनुहोस्