Karnali Click

सल्यानमा कुकुरको टोकाइबाट चार जना घाइते

सल्यान ।

कपुरकोट गाउँपालिका वडा नम्बर ३ मा कुकुरको टोकाइबाट दुई बालक सहित चार जना घाइते भएका छन् । मंगलवार कपुरकोट तल्लो बजार निवासी उत्तम खड्काको ६ वर्षीय छोरा सुरज खड्का कुकुरको टोकाइबाट गम्भीर घाइते भए । उनी घाइृते भएपछि उपचारका लागि काठमाडौँ लगिएको छ ।

कुकुरको टोकाईबाट ४ जना घाईते भए पनि गाउँपालिकाले भने यसमा चासो नदिएको स्थानियबासीले बताएका छन् । स्थानीय रुद्रवीर कँवरका अनुसार सोमबार र मंगलबार गरेर कपुरकोटमा कुकुरले २२ वर्षीय दिपा भण्डारी, दुई बालक र एक पुरुषलाई टोकेको थियो ।

कुकुरले एक किसानको बाख्रालाई समेत टोकेको बताइृएको छ । कुकुरले मानिसलाई टोकेको सुन्नमा आएको र यसबारे विवरण सङ्कलनको कार्य भइरहेको प्रहरी चौकी कपुरकोटले जनाएको छ । यता गाउँपालिकाका योजना शाखा प्रमुख खगेन्द्र बहादुर शाहीले कुकुरलाई रेबिज विरुद्धको खोप दिने र भुस्याहा कुकुर व्यवस्थापनका लागि चालु आर्थिक वर्षमा कुनै पनि बजेट तथा योजना नरहेको जानकारी दिए । सडकका कुकुरको समयमै व्यवस्थापन र नियन्त्रण हुन नसक्ने हो भने रेबिज फैलन सक्ने स्थानीयवासीको चिन्ता छ ।

यो वेबसाईट शारदा बहुउद्देश्यीय मिडिया प्रा.लि को आधिकारिक न्युज पोर्टल हो । तपाईंसंग भएका हरेक जानकारी र सूचनाहरुलाई हामी समचारको रुपमा पस्कने छाैे । साथै यो पोर्टलमा समाचार, विचार, लेख /रचना ,मनोरञ्जन, खेल, विश्व, सूचना प्रविधि, आदि "कर्णाली किलिक्क " karnaliclick.com मा प्रकाशन गर्न चाहानु हुन्छ भने हामिलाई सम्झनु होला । सत्य तथ्य र निष्पक्ष खबर प्रकाशन गर्नु हाम्रो दायित्व हो ।

Related Articles

Leave a Reply

Your email address will not be published. Required fields are marked *