Karnali Click

भेरीको आगामी वर्षको बजेट १ अर्व ७ करोड

जाजरकोट । भेरी नगरपालिकाले आर्थिक वर्ष २०८१/८२ का लागि १ अर्व बढिको बजेट पारित गरेको छ । अषाढ १० र ११ गते सम्पन्न नगरसभाबाट नगरपालिकाले आगामी आर्थिक वर्षका लागि १ अर्व ७ करोड ६७ लाख १३ हजार ३८३ रुपैयाँको बजेट पारित गरेको हो ।

नगरको आन्तरिक आम्दानी र सरकारी अनुदान गरि ८८ करोड ५३ लाख १५ हजार ३८१ र विकास साझेदार निकायहरुबाट १९ करोड १४ लाखको अनुमान गरि उक्त बजेट ल्याइएको नगरप्रमुख चन्द्रप्रकाश घर्तीले जानकारी दिए । नगरप्रमुख घर्तीका अनुसार बजेटमा भूकम्प पछिको पुनसर््थापनासहित शिक्षा, स्वास्थ्य, कृषि रोजगारी र विकास निर्माणका अन्य पक्षहरुलाई प्राथमिकता दिइएको छ ।

बजेटले नगरपालिकाले संचालन गरेका बालबालिकाहरुसंग मेयर, महिलाहरुसंग उपमेयर, लागु औषध दुर्व्यसनी नियन्त्रण लगायतका कार्यक्रमहरुलाई निरन्तरता दिएको छ भने पालिका भित्रका किसानहरुलाई कृषि व्यवसायमा प्रोत्साहित गरि आधुनिक कृषि प्रणाली मार्फत रोजगारी सृजना गर्ने खालका कार्यक्रमहरुलाई प्राथमिकता दिइएको छ ।

नगरपालिकाका सबै वडाहरु सडक संजालमा जोडिसकेकोले बाह्रै महिना यातायात सेवा संचालन गर्न बजेटको व्यवस्था गरिएको छ । त्यस्तै नेटीबजार-रुपाकोट-नेटीबजार सडकको स्तरोन्नतीका लागि प्रदेश सरकारको समपुरकमा ५० लाख बजेट विनियोजन गरिएको छ भने थाप्लेचौर बसपार्कको स्तरोन्नती तथा व्यवस्थापन गर्न नगर विकास कोषबाट ऋण लिई काम अगाडी बढाइने छ ।

साझेदार निकायसंगको सहकार्यमा नगर क्षेत्रभित्रको फोहोर व्यवस्थापन गर्न आवश्यक बजेटको समेत व्यवस्थापन गरिएको नगरपालिकाले जनाएको छ ।

यो वेबसाईट शारदा बहुउद्देश्यीय मिडिया प्रा.लि को आधिकारिक न्युज पोर्टल हो । तपाईंसंग भएका हरेक जानकारी र सूचनाहरुलाई हामी समचारको रुपमा पस्कने छाैे । साथै यो पोर्टलमा समाचार, विचार, लेख /रचना ,मनोरञ्जन, खेल, विश्व, सूचना प्रविधि, आदि "कर्णाली किलिक्क " karnaliclick.com मा प्रकाशन गर्न चाहानु हुन्छ भने हामिलाई सम्झनु होला । सत्य तथ्य र निष्पक्ष खबर प्रकाशन गर्नु हाम्रो दायित्व हो ।

Related Articles

Leave a Reply

Your email address will not be published. Required fields are marked *