Karnali Click

प्रशासनको अगुवाईमा वृहत ‘सार्वजनिक सुनुवाई’ कार्यक्रम हुने,

जाजरकोट । जिल्ला प्रशासन कार्यालय जाजरकोटको आयोजनामा वृहत सार्वजनिक सुनुवाई कार्यक्रम हुने भएको छ । असोज १७ गते भेरी नगरपालिका –०४ गैरीखालीमा वृहत सार्वजनिक सुनुवाई कार्यक्रम हुने भएको हो ।

प्रशासन कार्यालयमा २०८० भाद्र ८ गते बसेको बैठकले जिल्ला स्थित सबै सरकारी तथा सार्वजनिक निकाय र भेरी नगरपालिका समेत उपस्थित हुने गरी सार्वजनिक सुनुवाइ कार्यक्रम गर्ने निर्णय भएको थियो । प्रशासनको अगुवाईमा पहिलो पटक जिल्लामा सार्वजनिक सुनुवाई कार्यक्रम हुने भएको छ । जिल्लास्थित सबै सरकारी कार्यालयहरु समेत सहभागी हुने जिल्ला प्रशासन कार्यालय जाजरकोटले जनाएको छ ।

प्रशासनले गरेका सार्वजनिक सेवा प्रवाहका विषय प्रस्तुत गर्ने तयारी गरेको प्रमुख जिल्ला अधिकारी सुरेश सुनारले जानकारी दिए । सुनार प्रमुख जिल्ला अधिकारी भई जिल्लामा आए यता धेरै सुधारका काम गरेका छन् । विशेष गरी सुशासन र सार्वजनिक सेवा प्रवाहको सवालमा प्रजिअ सुनारले परिवर्तन ल्याउन खोजेको बताए ।

प्रजिअ सुनारकै पहलमा पश्चिम जाजरकोटका जनतालाई लक्षित गरी छेडागाडको मनघाटमा इलाका प्रशासन कार्यालय निर्माण हुने भएको छ ।  सेवाग्राही प्रति जिम्मेवार र जवाफदेही हुनपर्छ भन्ने उदेश्यले सार्वजनिक सुनुवाइ कार्यक्रम गर्न लागेको प्रजिअ सुनारको भनाई छ ।

यो वेबसाईट शारदा बहुउद्देश्यीय मिडिया प्रा.लि को आधिकारिक न्युज पोर्टल हो । तपाईंसंग भएका हरेक जानकारी र सूचनाहरुलाई हामी समचारको रुपमा पस्कने छाैे । साथै यो पोर्टलमा समाचार, विचार, लेख /रचना ,मनोरञ्जन, खेल, विश्व, सूचना प्रविधि, आदि "कर्णाली किलिक्क " karnaliclick.com मा प्रकाशन गर्न चाहानु हुन्छ भने हामिलाई सम्झनु होला । सत्य तथ्य र निष्पक्ष खबर प्रकाशन गर्नु हाम्रो दायित्व हो ।

Related Articles

Leave a Reply

Your email address will not be published. Required fields are marked *